اشتعلت أزمة مساء اليوم الجمعة الموافق الحادي والثلاثين من شهر ديسمبر الجاري بين أحمد حسن كوكا مهاجم نادي كونيا سبور التركي وأحمد حسام ميدو لاعب نادي الزمالك السابق والإعلامي الحالي بعد توجيه الأخير انتقادات لاذعة إلى كوكا عبر حسابه الشخصي على موقع التواصل الإجتماعي “تويتر”، وكان قد علق ميدو على أحد تغريدات التي تدعم مهاجم كونيا سبور وتشيد بمستوياته هذا الموسم عبر حسابه الشخصي قائلًا: “مهاجم متواضع لا يصلح للمستوى الدولي حتى ولو أحرز 1000 هدف”، ليبدأ بعدها اتهامات متبادلة وتراشق بين الطرفين عبر منصة التواصل الإجتماعي “تويتر”.
رد كوكا على تغريدة أحمد حسام ميدو
عبر أحمد حسن كوكا مهاجم نادي كونيا سبور التركي عن استيائه من تعليق أحمد حسام ميدو بنشره عددًا من ردود عبر حسابه الشخصي على موقع التواصل الإجتماعي “تويتر” قائلًا: “مهاجم متواضع؟ أولًا هو أنت أصلا مين طلب رأيك؟ثانيًا أنت مبطل كورة وأنت عندك 29 سنة وكل الناس عارفه ليه، ثالثًا لو رقم الأهداف اللي أنا جايبه شايفه قليل مجبتوش أنت ليه? مع أن اللي بيلعب في نادي أكبر فرصته بتكون أكتر في التسجيل،رابعًا حاولت تبقي مدرب و مبتكملش شهر في اي نادي”.
وتابع: “خامسا بتحاول تبقي إعلامي وتتكلم عن ده وده عشان تبقي تريند بأي شكل، أي حاجة عايز تدخل فيها، ده حتي صلاح في أول مشواره كنت بتتكلم عليه وحش، الحقد عالي أوي عندك من زمان وأنت بتتكلم وحش عني”.
وأتم: “وأنا عارف أن أكبر غلط أني أرد عليك وأنت فاضي وعندك برنامج تتكلم فيه كل يوم بس أنا برده مش هيهدني كلامك وهفضل في طريقي، مركز في مستقبلي ومش عايز حاجه من الناس بعد مبطل كورة وبعد لما أموت غير السيرة الحلوة”.
رد ميدو على اتهامات مهاجم كونيا سبور
لم يصمت أحمد حسام ميدو عن اتهامات كوكا بل رد عليه باتهامات أعنف وصل إلى تلميح بأنه وصوله للمنتخب كان عن طريق الواسطة!، وشكك ميدو في إمكانيات اللاعب بل وصلت إلى وصفه بأنه لا يجيد لعب كرة القدم.
وجاء رد ميدو عبر حسابه على موقع التواصل الإجتماعي “تويتر”:
“عمري ما روحت المنتخب علشان مناسب حد مهم، أنت عارف كويس أنت كنت بتروح المنتخب ليه، رد في الملعب حاول تروح المنتخب، أنت لاعيب تعبان وكل مؤهلاتك نسبك وأنت عارف كويس”.
وتابع:
“عمري ما لعبت في دوريات الالاضيش اللي أنت بتلعب فيها، ياأهبل مصر كلها بتقول أنك لاعيب على ماتفرج مش أنا بس وتاني انت عارف كويس أنت كنت بتروح المنتخب ليه”.
واختتم:
“سيرة حلوة إزاي وأنت مابتعرفش تلعب مفيش حد هيجيب سيرتك لا بالحلو ولا بالوحش”.
